Naatsorsuutit,
nuuttarnerit
Naatsorsuutit nuuttarnernut tunngasut anginerusumik naammattumillu tunngavilersorniarlugit ukiuni tallimani piffissami 2015-imiit 2019-imut nuuttartunut misilittakkat matumani aallaavigineqarput. Piffissami pineqartumi nuunnerit nalunaarsorneqarsimasut katillugit 114.258-inik amerlassuseqarput. Taakku amerlanerpaartaat inoqarfiup iluani pisimapput. Inoqarfiit iluini nuuttarnerit sanaartornikkut sulianit annertuumik sunnerneqartarput, inoqarfiillu sanaartorfiungaatsiartut aamma nuuttarnernik amerlanerusunik nalunaarsuiffiusinnaasarlutik.
Taamaattumik innuttaasut amerlassusissaanni matumani inoqarfimmi ataatsimi nuuttarnerit isiginiarneqanngillat, nuuttarnerilli kommuninut, distriktinut inoqarfiillu innuttaasuisa amerlassusaat malillugit immikkoortiterneqarput, tassani sumiiffiit akornanni nuuttarnerit kisimik ilanngunneqarlutik. 2015-imiit 2019-imut nuuttarnerit ataatsimut amerlassusaat sumiiffinni immikkoortiterinerni toqqakkat apeqqutaallutik assigiinngiiaarput. Inoqarfiit innuttaasuisa amerlassusaat malillugit immikkoortinneqarsimasuni nuuttarnerit 33.309-t agguataarneqarneri ataani takutinneqarput.
Titartagaq 15. 2015-imiit 2019-imut allamut nuuttarnerit, suiaassuseq ukiullu malillugit
Najoqqutaq: Naatsorsueqqissaartarfik
Pingaartumik arnat 20-t aallartinnerini ukiullit allamut nuuttartut amerlapput, ukioqqortusiartornermilu ikiliartorlutik. Tamanna ilaqutaqalernermik, ilinniarnermik, ineqarnermi suliffeqarnermilu periarfissanit peqquteqarsinnaavoq.
Inoqarfinnit minnerusunit allamut nuuttartut suli amerlanerupput. Tassani arnat 20-nik ukioqalereersimasut pingasuugaangata ataaseq inoqarfimmit minnerusumit allamut nuuttarpoq.
Titartagaq 16. Inoqarfinni innuttaasut amerlassusaat malillugit allamut nuuttarnerit. 2015-imiit 2019-imut arnat
Najoqqutaq: Naatsorsueqqissaartarfik
Uuttuutit naatsorsuinermi atorneqartut ’ataqatigiissaakkamik naatsorsuutinut’ atorneqarput, tassani toqusoqartarnera, allamut nunasisarnerit annikinnerutillugit inoqarfinniillu minnerusuniit nuuttartut aamma ikinnerutillugit kiisalu inoqarfinnut annerusunut nuuttartut aamma ikinnerutillugit uuttuutit ataqatigiissaarneqarput. Inoqarfinni innuttaasut amerlassusaat malillugit kommunikkaartumillu ataani oqimaaqatigiissitsinerit takuneqarsinnaapput. Naatsorsuutit distriktikkaartumik suliarineqanngillat. Takussutissaq 8-mi takuneqarsinnaapput kisitsisit naatsorsuutini tunngavigineqartut.
Takussutissaq 8a. Sumiiffinni allamut nuuttarnernut oqimaaqatigiissitsineq, inoqarfiit
< 200 |
200-699 |
700-2.999 |
3.000-5.999 |
> 6.000 |
120 |
120 |
110 |
100 |
80 |
Takussutissaq 8b. Sumiiffinni allamut nuuttarnernut oqimaaqatigiissitsineq, kommunit
Kommune Kujalleq |
Kommuneqarfik Sermersooq |
Qeqqata Kommunia |
Kommune Qeqertalik |
Avannaata Kommunia |
Kommunit avataanni |
100 |
90 |
100 |
105 |
110 |
100 |